शशिधर भण्डारी समृद्ध
दुवई युएई(जनखोजी) असोज १, युएईमा संयुक्त तिज तथा दरखाने कार्यक्रम
शशिधर भण्डारी समृद्ध
दुवई युएई(जनखोजी) असोज १, युएईमा तिज तथा दरखाने कार्यक्रम सम्पन्न भएको छ । अन्तराष्ट्रिय रोल्पाली समाज यूएई , प्युठान स्वर्गद्वारी समाज यूएई र दाङ देउखुरी समाज यूएईको संयुक्त आयोजनामा पानीजहाज(क्रुजमा) कार्यक्रम आइतबार सम्पन्न भएको हो ।
अन्तराष्ट्रिय रोल्पाली समाज यूएईशाखाका अध्यक्ष दिल पुनको अध्यक्ष, नेपाली समाज युएइका वरिष्ठ उपाध्यक्ष कमल गिरीको प्रमुख आतिथ्यतामा कार्यक्रम गरिएको हो । प्युठान स्वर्गद्धारी समाज युएइका प्रवक्ता सन्तोष बि.क. द्धारा सञ्चालित कार्यक्रममा प्युठान स्वर्गद्धारी समाज युएइका अध्यक्ष ठगेन्द्र सुनारले स्वागत मन्तब्य राखेका थिए । ३ सय नेपालीहरुरको सहभागिता रहेको कार्यक्रममा तिजको शुभकामना आदान प्रदान, दर खाने कार्यक्रममा सहभागिता र तिजका गितहरुमा नाचगान गरी मनोरन्जन गरिएको थियो ।
कार्यक्रममा बोल्दै नेपाली समाज युएइका उपाध्यक्ष कमल गिरीले नेपालीहरुका संस्था खादा लगाउने मात्रै नभएर सामाजिक सेवामा पनि लागेका उदाहरणहरु प्रस्तुत गरेका थिए । उनका अनुसार अलपत्र, दुव्र्यसनीमा लागेका तथा अन्य सेवा आवश्यक नेपालीहरुका लागि नेपाली समाज युएइ र अन्य जिल्लाका समाजहरु सक्रिय रहेको बताएका हुन् ।
तिजको अवसरमा शुभकामना मन्तव्य राख्दै प्युठान स्वर्गद्धारी समाज युएइका संरक्षक दुजमान सुनारले कार्यक्रमले नेपाली कला संस्कृति एवं चाडपर्वलाई बिदेशी भुमिमा पनि जिवन्त राखिरहन मद्दत पुग्ने विश्वास व्यक्त गरेका थिए ।
कार्यक्रममा लुम्बिनी प्रदेश समाज युएईको अध्यक्ष प्रेम बहादुर, अन्तराष्ट्रिय रोल्पाली समाज यूएई उपाध्यक्ष देवराज ओली, दाङ देउखुरी समाज यूएइका उपाध्यक्ष गोपाल के.सी. लगायतले मन्तव्य राखेका थिए ।
कार्यक्रममा काठमाण्डौ पार्टी प्यालेस बरदुवई, एभरेष्ट हण्रेड रेष्टुरेन्ट र सिम्पल लाइफ रेष्टुरेन्ट÷जनरल टेडिगं एलएलसी प्रायोजिक रहेका थिए भने गायक तथा संगितकार राजकुमार टरालीको विशेष प्रस्तुती समेत रहेको थियो ।