बबिता रिजाल , मंसिर २० प्युठान । स्वर्गद्वारी नगरपालिकाले जेसीबि खरिद गरेको छ । आर्थिक बर्ष २०८०\०८१ को १३ औ नगरसभाबाट बिनियोजित बजेट अनुसार ५३ लाख ८० हजार लागतमा जेसीबि मेसिन (ब्याकुलोडर ) खरिद गरेको नगरपालिकाले जनाएको छ ।
मेसिन खरिद गरिएसँगै सडक तथा भौतिक पूर्वाधार विकासका ठूलो टेवा पुग्ने तथा वर्षायाममा बर्सेनि हुने ठूलो रकम खर्चको बचत हुने विश्वास लिईएको छ । एमएडब्लु अर्थ मुभर्स प्रा.ली ललितपुर मार्फत मेसिन खरिद गरिएको हो । कम्पनीले बुधबार जेसिबी नगरपालिकालाई हस्तान्तरण गरेको हो ।
स्वर्गद्वारी नगरपालिकाका नगर प्रमुख टेक प्रसाद भण्डारीले जेसीबी मेसिन नगरपालिकाकै स्वामित्वमा भएपछि सानो सानो कामका लागी पनि ठेकेदाहरूहरुलाई दिनुपर्ने रकम अन्य क्षेत्रमा लगानि गरि विकास निमार्णमा टेवा पुग्ने बताउनु भयो । चुनावको समयमा नगरपालिकाको स्वामित्वमा रहने गरी जेसिबी मेसिन खरिद गर्ने बाचा पुरा गरेको र अरू बाकी बाचाहरु क्रमश पूरा गर्दै गई समृद्ध स्वर्गद्वारी नगरपालिका निमार्णमा सक्दो पहल गर्ने पनि मेयर भण्डारीले बताउनुभयो ।
यस्तै नगरपालिकाको एम्बुलेन्स ल्याउने तयारी पनि पुरा भैसकेको छ । एम्बुलेन्स खरिद भैसकेको र केहि दिनमै सबै प्रक्रिया मिलाएर पालिकामा ल्याईने नगरपालिकाले जनाएको छ ।
