केशर सुनार,बिजुवार। प्युठानी गायिका शुसिला गिरीको प्युठान झल्काउने गीत ‘प्युठान ईस्नालाई’ बोलको लोकसंगित बजारमा आएको छ। प्युठानको झिमरुक गाउँपालिका वडा नं-८ टिमुरचौरमा अवस्थित धार्मिक एवम् पर्यटकीय क्षेत्र ईस्नाथानको पर्यटन प्रवर्द्धन गर्ने उद्देश्यसहित सोही गीत बिहीबार सार्वजनिक भएको छ ।
माया प्रेममा परेका जोडीले ईस्नाथानमा भाकल गरी काली पाठी चढाउने र आफ्नो प्रेम सफल पार्ने भावलाई गीतको माध्यमवाट पर्दामार्फत देखाउन खोजिएको छ । साथमा प्रेमी प्रेमिकाले गर्ने माया पिरिमलाई शब्दको भावमा राखेको भिडियोमा देख्न सकिन्छ । हुम गैरेको निर्देशनमा तयार पारिएको म्युजिक भिडियोमा चर्चित कलाकार बालचन्द्र बराल र शुसिला गिरीको प्रेमिल अभिनय देख्न सकिन्छ।
गायिका शुसिला गिरीको शब्द र संगीतमा रहेको गीतमा सुमधुर स्वरका धनी गायक गायिका ईन्द्र जिसी र सुनिता बुढाक्षेत्रीले आवाज भरेका छन् ।राम केसीको टिमले छायांकन गरेको भिडियोको सम्पादन भने हुम गैरेले गरेका हुन् । गिरीको ‘प्युठान ईस्नालाई’ बोलको गीत ईन्द्र जिसी अफिसियल युटुव च्यानलमार्फत सार्वजनिक गरिएको छ।गिरीको यसभन्दा अगाडिका गीतले चर्चा पायजस्तै यो गीतले पनि चर्चा कमाउने क्रममा रहेको छ।
भिडियो हेर्नुहोस;
