बबिता रिजाल
चैत्र २०, प्युठान ।
स्वर्गद्वारी नगरपालिका वडा नं ६ का वडा अध्यक्ष गिरबहादुर गुरूङकाे अध्यक्षतामा मंगलबार स्वर्गद्वारी नगरपालिका वडा नं. ६ बेलवासमा सार्वजनिक सुनुवाइ कार्यक्रम गरिएको हाे ।
कार्यक्रममा स्वर्गद्वारी नगरपालिका वडा नं ६ का वडा अध्यक्ष गिरबहादुर गुरुङले आर्थिक बर्ष २०८०/८१ मा वडा भित्र सञ्चालन भएका सम्पुर्ण आयाेजना तथा कार्यक्रमहरुकाे विवरण प्रस्तुत गर्नुभयाे । साथै वडा सचिव लाेकेन्द्र खड्काले वडाकाे प्रशासनिक तथा चालू खर्च तर्फकाे विवरण प्रस्तुत गर्नुभयो ।
कार्यक्रममा वडा अध्यक्ष गुरुङले सहभागी तथा प्रत्यक्ष प्रशारण मार्फत आएका गुनासा तथा सुझावहरुकाे जवाफ दिनुभयाे ।
स्वर्गद्वारी नगरपालिकाका नगर उपप्रमुख मिनराज राना मगरकाे प्रमुख आतिथ्यतामा सम्पन्न भएको अर्धबार्षिक समीक्षा तथा सार्वजनिक सुनुवाइ कार्यक्रममा वडा सदस्यहरु, विभिन्न राजनैतिक दलका प्रमुख तथा प्रतिनिधिहरु, सरकारी तथा गैरसरकारी संघ संस्थाका प्रमुख तथा प्रतिनिधिहरु, पत्रकार , स्थानिय लगायतको उपस्थिति रहेको थियोे ।
